શનિ વજ્ર પઞ્જર કવચ Shani Kavach

વિનિયોગઃ- ૐ અસ્ય શ્રીશનૈશ્ચર-કવચ-સ્તોત્ર-મન્ત્રસ્ય કશ્યપ ઋષિઃ, અનુષ્ટુપ્ છન્દ, શનૈશ્ચરો દેવતા, શીં શક્તિઃ, શૂં કીલકમ્, શનૈશ્ચર-પ્રીત્યર્થં જપે વિનિયોગઃ।।

નીલામ્બરો નીલવપુઃ કિરીટી ગૃધ્રસ્થિતસ્ત્રાસકરો ધનુષ્માન્।
ચતુર્ભુજઃ સૂર્યસુતઃ પ્રસન્નઃ સદા મમ સ્યાદ્વરદઃ પ્રશાન્તઃ।।૧

બ્રહ્મોવાચ-

શ્રૃણુષવમૃષયઃ સર્વે શનિપીડ઼ાહરં મહપ્।
કવચં શનિરાજસ્ય સૌરેરિદમનુત્તમમ્।।૨
કવચં દેવતાવાસં વજ્રપંજરસંજ્ઞકમ્।
શનૈશ્ચરપ્રીતિકરં સર્વસૌભાગ્યદાયકમ્।।૩
ૐ શ્રીશનૈશ્ચરઃ પાતુ ભાલં મે સૂર્યનંદનઃ।
નેત્રે છાયાત્મજઃ પાતુ, પાતુ કર્ણૌ યમાનુજઃ।।૪
નાસાં વૈવસ્વતઃ પાતુ મુખં મે ભાસ્કરઃ સદા।
સ્નિગ્ધ-કંઠસ્ચ મે કંઠં ભુજૌ પાતુ મહાભુજઃ।।૫
સ્કંધૌ પાતુ શનિશ્ચૈવ કરૌ પાતુ શુભપ્રદઃ।
વક્ષઃ પાતુ યમભ્રાતા કુક્ષિં પાત્વસિતસ્તથા।।૬
નાભિં ગ્રહપતિઃ પાતુ મંદઃ પાતુ કટિ તથા।
ઊરુ મમાંતકઃ પાતુ યમો જાનુયુગ્મ તથા।।૭
પાદૌ મંદગતિઃ પાતુ સર્વાંગં પાતુ પિપ્પલઃ।
અંગોપાંગાનિ સર્વાણિ રક્ષેન્મે સૂર્યનન્દનઃ।।૮
ફલશ્રુતિ
ઇત્યેતત્કવચં દિવ્યં પઠેત્સૂર્યસુતસ્ય યઃ।
ન તસ્ય જાયતે પીડા પ્રોતો ભવતિ સૂર્યજઃ।।૯
વ્યયજન્મદ્વિતીયસ્થો મૃત્યુસ્થાનગતોઽપિ વા।
કલત્રસ્થો ગતો વાપિ સુપ્રીતસ્તુ સદા શનિઃ।।૧૦
અષ્ટમસ્થે સૂર્યસુતે વ્યયે જન્મદ્વિતીયગે।
કવચં પઠતે નિત્યં ન પીડા જાયતે ક્વચિત્।।૧૧
ઇત્યેતત્કવચં દિવ્યં સૌરેર્યન્નિર્મિતં પુરા।
દ્વાદશાષ્ટમજન્મસ્થદોષાન્નાશયતે સદા।
જન્મલગ્નસ્થિતાન્દોષાન્ સર્વાન્નાશયતે પ્રભુઃ।।૧૨

।।શ્રીબ્રહ્માણ્ડપુરાણે બ્રહ્મ-નારદ-સંવાદે શનિ-વજ્ર-પંજર-કવચં।।