દેવી કવચ શ્રીહરિહરબ્રહ્મ વિરચિતં દેવ્યા: કવચ

વિનિયોગ – ૐ અસ્ય શ્રીદેવ્યા: કવચસ્ય બ્રહ્મા ઋષિ:, અનુષ્ટુપ્ છન્દ:, ખ્ફ્રેં ચામુણ્ડાખ્યા મહા-લક્ષ્મી: દેવતા, હ્રીં હ્રસૌં હ્સ્ક્લીં હ્રીં હ્રસૌં અંગ-ન્યસ્તા દેવ્ય: શક્તય:, ઐં હ્સ્રીં હ્રક્લીં શ્રીં હ્વર્યું ક્ષ્મ્રૌં સ્ફ્રેં બીજાનિ, શ્રીમહાલક્ષ્મી-પ્રીતયે સર્વ રક્ષાથેZ ચ પાઠે વિનિયોગ:।

ઋષ્યાદિ-ન્યાસ – બ્રહ્મર્ષયે નમ: શિરસિ, અનુષ્ટુપ્ છન્દસે નમ: મુખે, ખ્ફ્રેં ચામુણ્ડાખ્યા મહા-લક્ષ્મી: દેવતાયૈ નમ: હૃદિ, હ્રીં હ્રસૌં હ્સ્ક્લીં હ્રીં હ્રસૌં અંગ-ન્યસ્તા દેવ્ય: શક્તિભ્યો નમ: નાભૌ, ઐં હ્સ્રીં હ્રક્લીં શ્રીં હ્વર્યું ક્ષ્મ્રૌં સ્ફ્રેં બીજેભ્યો નમ: લિંગે, શ્રીમહાલક્ષ્મી-પ્રીતયે સર્વ રક્ષાર્થે ચ પાઠે વિનિયોગાય નમ: સર્વાંગે।

ધ્યાન-

ૐ રક્તામ્બરા રક્તવર્ણા, રક્ત-સર્વાંગ-ભૂષણા।
રક્તાયુધા રક્ત-નેત્રા, રક્ત-કેશાઽતિ-ભીષણા।।1
રક્ત-તીક્ષ્ણ-નખા રક્ત-રસના રક્ત-દન્તિકા।
પતિં નારીવાનુરક્તા, દેવી ભક્તં ભજેજ્જનમ્।।2
વસુધેવ વિશાલા સા, સુમેરૂ-યુગલ-સ્તની।
દીર્ઘૌ લમ્બાવતિ-સ્થૂલૌ, તાવતીવ મનોહરૌ।।3
કર્કશાવતિ-કાન્તૌ તૌ, સર્વાનન્દ-પયોનિધી।
ભક્તાન્ સમ્પાયયેદ્ દેવી, સર્વકામદુઘૌ સ્તનૌ।।4
ખડ્ગં પાત્રં ચ મુસલં, લાંગલં ચ બિભર્તિ સા।
આખ્યાતા રક્ત-ચામુણ્ડા, દેવી યોગેશ્વરીતિ ચ।।5
અનયા વ્યાપ્તમખિલં, જગત્ સ્થાવર-જંગમમ્।
ઇમાં ય: પૂજયેદ્ ભક્તો, સ વ્યાપ્નોતિ ચરાચરમ્।।6

।।માર્કણ્ડેય ઉવાચ।।

ૐૐૐ યદ્ ગુહ્યં પરમં લોકે, સર્વ-રક્ષા-કરં નૃણામ્।
યન્ન કસ્યચિદાખ્યાતં, તન્મે બ્રૂહિ પિતામહ।।1

।।બ્રહ્મોવાચ।।

ૐ અસ્તિ ગુહ્ય-તમં વિપ્ર સર્વ-ભૂતોપકારકમ્।
દેવ્યાસ્તુ કવચં પુણ્યં, તચ્છૃણુષ્વ મહામુને।।2
પ્રથમં શૈલ-પુત્રીતિ, દ્વિતીયં બ્રહ્મ-ચારિણી।
તૃતીયં ચણ્ડ-ઘણ્ટેતિ, કૂષ્માણ્ડેતિ ચતુર્થકમ્।।3
પંચમં સ્કન્દ-માતેતિ, ષષ્ઠં કાત્યાયની તથા।
સપ્તમં કાલ-રાત્રીતિ, મહાગૌરીતિ ચાષ્ટમમ્।।4
નવમં સિદ્ધિ-દાત્રીતિ, નવદુર્ગા: પ્રકીર્ત્તિતા:।
ઉક્તાન્યેતાનિ નામાનિ, બ્રહ્મણૈવ મહાત્મના।।5
અગ્નિના દહ્ય-માનાસ્તુ, શત્રુ-મધ્ય-ગતા રણે।
વિષમે દુર્ગમે વાઽપિ, ભયાર્તા: શરણં ગતા।।6
ન તેષાં જાયતે કિંચિદશુભં રણ-સંકટે।
આપદં ન ચ પશ્યન્તિ, શોક-દુ:ખ-ભયં નહિ।।7
યૈસ્તુ ભક્ત્યા સ્મૃતા નિત્યં, તેષાં વૃદ્ધિ: પ્રજાયતે।
પ્રેત સંસ્થા તુ ચામુણ્ડા, વારાહી મહિષાસના।।8
ઐન્દ્રી ગજ-સમારૂઢા, વૈષ્ણવી ગરૂડાસના।
નારસિંહી મહા-વીર્યા, શિવ-દૂતી મહાબલા।।9
માહેશ્વરી વૃષારૂઢા, કૌમારી શિખિ-વાહના।
બ્રાહ્મી હંસ-સમારૂઢા, સર્વાભરણ-ભૂષિતા।।10
લક્ષ્મી: પદ્માસના દેવી, પદ્મ-હસ્તા હરિપ્રિયા।
શ્વેત-રૂપ-ધરા દેવી, ઈશ્વરી વૃષ વાહના।।11
ઇત્યેતા માતર: સર્વા:, સર્વ-યોગ-સમન્વિતા।
નાનાભરણ-ષોભાઢયા, નાના-રત્નોપ-શોભિતા:।।12
શ્રેષ્ઠૈષ્ચ મૌક્તિકૈ: સર્વા, દિવ્ય-હાર-પ્રલમ્બિભિ:।
ઇન્દ્ર-નીલૈર્મહા-નીલૈ, પદ્મ-રાગૈ: સુશોભને:।।13
દૃષ્યન્તે રથમારૂઢા, દેવ્ય: ક્રોધ-સમાકુલા:।
શંખં ચક્રં ગદાં શક્તિં, હલં ચ મૂષલાયુધમ્।।14
ખેટકં તોમરં ચૈવ, પરશું પાશમેવ ચ।
કુન્તાયુધં ચ ખડ્ગં ચ, શાર્ગાંયુધમનુત્તમમ્।।15
દૈત્યાનાં દેહ નાશાય, ભક્તાનામભયાય ચ।
ધારયન્ત્યાયુધાનીત્થં, દેવાનાં ચ હિતાય વૈ।।16
નમસ્તેઽસ્તુ મહારૌદ્રે ! મહાઘોર પરાક્રમે !
મહાબલે ! મહોત્સાહે ! મહાભય વિનાશિનિ।।17
ત્રાહિ માં દેવિ દુષ્પ્રેક્ષ્યે ! શત્રૂણાં ભયવિર્દ્ધનિ !
પ્રાચ્યાં રક્ષતુ મામૈન્દ્રી, આગ્નેય્યામગ્નિ દેવતા।।18
દક્ષિણે ચૈવ વારાહી, નૈઋત્યાં ખડ્ગધારિણી।
પ્રતીચ્યાં વારૂણી રક્ષેદ્, વાયવ્યાં વાયુદેવતા।।19
ઉદીચ્યાં દિશિ કૌબેરી, ઐશાન્યાં શૂલ-ધારિણી।
ઊર્ધ્વં બ્રાહ્મી ચ માં રક્ષેદધસ્તાદ્ વૈષ્ણણવી તથા।।20
એવં દશ દિશો રક્ષેચ્ચામુણ્ડા શવ-વાહના।
જયા મામગ્રત: પાતુ, વિજયા પાતુ પૃષ્ઠત:।।21
અજિતા વામ પાર્શ્વે તુ, દક્ષિણે ચાપરાજિતા।
શિખાં મે દ્યોતિની રક્ષેદુમા મૂર્ધ્નિ વ્યવસ્થિતા।।22
માલાધરી લલાટે ચ, ભ્રુવોર્મધ્યે યશસ્વિની।
નેત્રાયોશ્ચિત્ર-નેત્રા ચ, યમઘણ્ટા તુ પાર્શ્વકે।।23
શંખિની ચક્ષુષોર્મધ્યે, શ્રોત્રયોર્દ્વાર-વાસિની।
કપોલૌ કાલિકા રક્ષેત્, કર્ણ-મૂલે ચ શંકરી।।24
નાસિકાયાં સુગન્ધા ચ, ઉત્તરૌષ્ઠે ચ ચર્ચિકા।
અધરે ચામૃત-કલા, જિહ્વાયાં ચ સરસ્વતી।।25
દન્તાન્ રક્ષતુ કૌમારી, કણ્ઠ-મધ્યે તુ ચણ્ડિકા।
ઘણ્ટિકાં ચિત્ર-ઘણ્ટા ચ, મહામાયા ચ તાલુકે।।26
કામાખ્યાં ચિબુકં રક્ષેદ્, વાચં મે સર્વ-મંગલા।
ગ્રીવાયાં ભદ્રકાલી ચ, પૃષ્ઠ-વંશે ધનુર્દ્ધરી।।27
નીલ-ગ્રીવા બહિ:-કણ્ઠે, નલિકાં નલ-કૂબરી।
સ્કન્ધયો: ખડિ્ગની રક્ષેદ્, બાહૂ મે વજ્ર-ધારિણી।।28
હસ્તયોર્દણ્ડિની રક્ષેદિમ્બકા ચાંગુલીષુ ચ।
નખાન્ સુરેશ્વરી રક્ષેત્, કુક્ષૌ રક્ષેન્નરેશ્વરી।।29
સ્તનૌ રક્ષેન્મહાદેવી, મન:-શોક-વિનાશિની।
હૃદયે લલિતા દેવી, ઉદરે શૂલ-ધારિણી।।30
નાભૌ ચ કામિની રક્ષેદ્, ગુહ્યં ગુહ્યેશ્વરી તથા।
મેઢ્રં રક્ષતુ દુર્ગન્ધા, પાયું મે ગુહ્ય-વાસિની।।31
કટ્યાં ભગવતી રક્ષેદૂરૂ મે ઘન-વાસિની।
જંગે મહાબલા રક્ષેજ્જાનૂ માધવ નાયિકા।।32
ગુલ્ફયોર્નારસિંહી ચ, પાદ-પૃષ્ઠે ચ કૌશિકી।
પાદાંગુલી: શ્રીધરી ચ, તલં પાતાલ-વાસિની।।33
નખાન્ દંષ્ટ્રા કરાલી ચ, કેશાંશ્વોર્ધ્વ-કેશિની।
રોમ-કૂપાનિ કૌમારી, ત્વચં યોગેશ્વરી તથા।।34
રક્તં માંસં વસાં મજ્જામસ્થિ મેદશ્ચ પાર્વતી।
અન્ત્રાણિ કાલ-રાત્રિ ચ, પિતં ચ મુકુટેશ્વરી।।35
પદ્માવતી પદ્મ-કોષે, કક્ષે ચૂડા-મણિસ્તથા।
જ્વાલા-મુખી નખ-જ્વાલામભેદ્યા સર્વ-સન્ધિષુ।।36
શુક્રં બ્રહ્માણી મે રક્ષેચ્છાયાં છત્રેશ્વરી તથા।
અહંકારં મનો બુદ્ધિં, રક્ષેન્મે ધર્મ-ધારિણી।।37
પ્રાણાપાનૌ તથા વ્યાનમુદાનં ચ સમાનકમ્।
વજ્ર-હસ્તા તુ મે રક્ષેત્, પ્રાણાન્ કલ્યાણ-શોભના।।38
રસે રૂપે ચ ગન્ધે ચ, શબ્દે સ્પર્શે ચ યોગિની।
સત્વં રજસ્તમશ્ચૈવ, રક્ષેન્નારાયણી સદા।।39
આયૂ રક્ષતુ વારાહી, ધર્મં રક્ષન્તુ માતર:।
યશ: કીર્તિં ચ લક્ષ્મીં ચ, સદા રક્ષતુ વૈષ્ણવી।।40
ગોત્રમિન્દ્રાણી મે રક્ષેત્, પશૂન્ રક્ષેચ્ચ ચણ્ડિકા।
પુત્રાન્ રક્ષેન્મહા-લક્ષ્મીર્ભાર્યાં રક્ષતુ ભૈરવી।।41
ધનં ધનેશ્વરી રક્ષેત્, કૌમારી કન્યકાં તથા।
પન્થાનં સુપથા રક્ષેન્માર્ગં ક્ષેમંકરી તથા।।42
રાજદ્વારે મહા-લક્ષ્મી, વિજયા સર્વત: સ્થિતા।
રક્ષેન્મે સર્વ-ગાત્રાણિ, દુર્ગા દુર્ગાપ-હારિણી।।43
રક્ષા-હીનં તુ યત્ સ્થાનં, વર્જિતં કવચેન ચ।
સર્વં રક્ષતુ મે દેવી, જયન્તી પાપ-નાશિની।।44
।।ફલ-શ્રુતિ।।
સર્વરક્ષાકરં પુણ્યં, કવચં સર્વદા જપેત્।
ઇદં રહસ્યં વિપ્રર્ષે ! ભક્ત્યા તવ મયોદિતમ્।।45
દેવ્યાસ્તુ કવચેનૈવમરક્ષિત-તનુ: સુધી:।
પદમેકં ન ગચ્છેત્ તુ, યદીચ્છેચ્છુભમાત્મન:।।46
કવચેનાવૃતો નિત્યં, યત્ર યત્રૈવ ગચ્છતિ।
તત્ર તત્રાર્થ-લાભ: સ્યાદ્, વિજય: સાર્વ-કાલિક:।।47
યં યં ચિન્તયતે કામં, તં તં પ્રાપ્નોતિ નિશ્ચિતમ્।
પરમૈશ્વર્યમતુલં પ્રાપ્નોત્યવિકલ: પુમાન્।।48
નિર્ભયો જાયતે મર્ત્ય:, સંગ્રામેષ્વપરાજિત:।
ત્રૈલોક્યે ચ ભવેત્ પૂજ્ય:, કવચેનાવૃત: પુમાન્।।49
ઇદં તુ દેવ્યા: કવચં, દેવાનામપિ દુર્લભમ્।
ય: પઠેત્ પ્રયતો નિત્યં, ત્રિ-સન્ધ્યં શ્રદ્ધયાન્વિત:।।50
દેવી વશ્યા ભવેત્ તસ્ય, ત્રૈલોક્યે ચાપરાજિત:।
જીવેદ્ વર્ષ-શતં સાગ્રમપ-મૃત્યુ-વિવર્જિત:।।51
નશ્યન્તિ વ્યાધય: સર્વે, લૂતા-વિસ્ફોટકાદય:।
સ્થાવરં જંગમં વાપિ, કૃત્રિમં વાપિ યદ્ વિષમ્।।52
અભિચારાણિ સર્વાણિ, મન્ત્ર-યન્ત્રાણિ ભૂ-તલે।
ભૂચરા: ખેચરાશ્ચૈવ, કુલજાશ્ચોપદેશજા:।।53
સહજા: કુલિકા નાગા, ડાકિની શાકિની તથા।
અન્તરીક્ષ-ચરા ઘોરા, ડાકિન્યશ્ચ મહા-રવા:।।54
ગ્રહ-ભૂત-પિશાચાશ્ચ, યક્ષ-ગન્ધર્વ-રાક્ષસા:।
બ્રહ્મ-રાક્ષસ-વેતાલા:, કૂષ્માણ્ડા ભૈરવાદય:।।55
નષ્યન્તિ દર્શનાત્ તસ્ય, કવચેનાવૃતા હિ ય:।
માનોન્નતિર્ભવેદ્ રાજ્ઞસ્તેજો-વૃદ્ધિ: પરા ભવેત્।।56
યશો-વૃદ્ધિર્ભવેદ્ પુંસાં, કીર્તિ-વૃદ્ધિશ્ચ જાયતે।
તસ્માજ્જપેત્ સદા ભક્તયા, કવચં કામદં મુને।।57
જપેત્ સપ્તશતીં ચણ્ડીં, કૃત્વા તુ કવચં પુર:।
નિર્વિઘ્નેન ભવેત્ સિદ્ધિશ્ચણ્ડી-જપ-સમુદ્ભવા।।58
યાવદ્ ભૂ-મણ્ડલં ધત્તે ! સ-શૈલ-વન-કાનનમ્।
તાવત્ તિષ્ઠતિ મેદિન્યાં, જપ-કર્તુર્હિ સન્તતિ:।।59
દેહાન્તે પરમં સ્થાનં, યત્ સુરૈરપિ દુર્લભમ્।
સમ્પ્રાપ્નોતિ મનુષ્યોઽસૌ, મહા-માયા-પ્રસાદત:।।60
તત્ર ગચ્છતિ ભક્તોઽસૌ, પુનરાગમનં ન હિ।
લભતે પરમં સ્થાનં, શિવેન સહ મોદતે ૐૐૐ।।61

।।વારાહ-પુરાણે શ્રીહરિહરબ્રહ્મ વિરચિતં દેવ્યા: કવચમ્।।