વિનાયકસ્તોત્ર VINAYAK STOTRAM

ૐ

 

મૂષિકવાહન મોદકહસ્ત ચામરકર્ણ વિલમ્બિતસૂત્ર .

વામનરૂપ મહેશ્વરપુત્ર વિઘ્નવિનાયક પાદ નમસ્તે  ..

દેવદેવસુતં દેવં જગદ્વિઘ્નવિનાયકમ્ .

હસ્તિરૂપં મહાકાયં સૂર્યકોટિસમપ્રભમ્ .. ૧..

વામનં જટિલં કાન્તં હ્રસ્વગ્રીવં મહોદરમ્ .

ધૂમ્રસિન્દૂરયુદ્ગણ્ડં વિકટં પ્રકટોત્કટમ્ .. ૨..

એકદન્તં પ્રલમ્બોષ્ઠં નાગયજ્ઞોપવીતિનમ્ .

ત્ર્યક્ષં ગજમુખં કૃષ્ણં સુકૃતં રક્તવાસસમ્ .. ૩..

દન્તપાણિં ચ વરદં બ્રહ્મણ્યં બ્રહ્મચારિણમ્ .

પુણ્યં ગણપતિં દિવ્યં વિઘ્નરાજં નમામ્યહમ્ .. ૪..

દેવં ગણપતિં નાથં વિશ્વસ્યાગ્રે તુ ગામિનમ્ .

દેવાનામધિકં શ્રેષ્ઠં નાયકં સુવિનાયકમ્ .. ૫..

નમામિ ભગવં દેવં અદ્ભુતં ગણનાયકમ્ .

વક્રતુણ્ડ પ્રચણ્ડાય ઉગ્રતુણ્ડાય તે નમઃ  .. ૬..

ચણ્ડાય ગુરુચણ્ડાય ચણ્ડચણ્ડાય તે નમઃ  .

મત્તોન્મત્તપ્રમત્તાય નિત્યમત્તાય તે નમઃ  .. ૭..

ઉમાસુતં નમસ્યામિ ગઙ્ગાપુત્રાય તે નમઃ .

ઓઙ્કારાય વષટ્કાર સ્વાહાકારાય તે નમઃ  .. ૮..

મન્ત્રમૂર્તે મહાયોગિન્ જાતવેદે નમો નમઃ .

પરશુપાશકહસ્તાય ગજહસ્તાય તે નમઃ  .. ૯..

મેઘાય મેઘવર્ણાય મેઘેશ્વર નમો નમઃ .

ઘોરાય ઘોરરૂપાય ઘોરઘોરાય તે નમઃ  .. ૧૦..

પુરાણપૂર્વપૂજ્યાય પુરુષાય નમો નમઃ .

મદોત્કટ નમસ્તેઽસ્તુ નમસ્તે ચણ્ડવિક્રમ  .. ૧૧..

વિનાયક નમસ્તેઽસ્તુ નમસ્તે ભક્તવત્સલ .

ભક્તપ્રિયાય શાન્તાય મહાતેજસ્વિને નમઃ  .. ૧૨..

યજ્ઞાય યજ્ઞહોત્રે ચ યજ્ઞેશાય નમો નમઃ .

નમસ્તે શુક્લભસ્માઙ્ગ શુક્લમાલાધરાય ચ  .. ૧૩..

મદક્લિન્નકપોલાય ગણાધિપતયે નમઃ .

રક્તપુષ્પ પ્રિયાય ચ રક્તચન્દન ભૂષિત  .. ૧૪..

અગ્નિહોત્રાય શાન્તાય અપરાજય્ય તે નમઃ .

આખુવાહન દેવેશ એકદન્તાય તે નમઃ  .. ૧૫..

શૂર્પકર્ણાય શૂરાય દીર્ઘદન્તાય તે નમઃ .

વિઘ્નં હરતુ દેવેશ શિવપુત્રો વિનાયકઃ  .. ૧૬..

ફલશ્રુતિ

જપાદસ્યૈવ હોમાચ્ચ સન્ધ્યોપાસનસસ્તથા .

વિપ્રો ભવતિ વેદાઢ્યઃ ક્ષત્રિયો વિજયી ભવેત્  ..

વૈશ્યો ધનસમૃદ્ધઃ સ્યાત્ શૂદ્રઃ પાપૈઃ પ્રમુચ્યતે .

ગર્ભિણી જનયેત્પુત્રં કન્યા ભર્તારમાપ્નુયાત્  ..

પ્રવાસી લભતે સ્થાનં બદ્ધો બન્ધાત્ પ્રમુચ્યતે .

ઇષ્ટસિદ્ધિમવાપ્નોતિ પુનાત્યાસત્તમં કુલં  ..

સર્વમઙ્ગલમાઙ્ગલ્યં સર્વપાપપ્રણાશનમ્ .

સર્વકામપ્રદં પુંસાં પઠતાં શ્રુણુતામપિ  ..

.. ઇતિ શ્રીબ્રહ્માણ્ડપુરાણે સ્કન્દપ્રોક્ત વિનાયકસ્તોત્રં સમ્પૂર્ણમ્ ..